भारतको दक्षिणपश्चिम बिहारमा विद्यमान न्यून चापीय प्रणालीले नेपालको मौसममा प्रभाव पार्दै दैनिक पानी परिरहेको छ । हाल कोशी, वाग्मती, गण्डकी र लुम्बिनी प्रदेशका भूभाग लगायत अन्य क्षेत्रका केही स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।
दिउँसो कोशी, मधेस, वाग्मती, गण्डकी र लुम्बिनी प्रदेशका केही स्थानमा मध्यमदेखि भारी वर्षाको सम्भावना रहेको महाशाखाले जनाएको छ भने बाँकी प्रदेशका केही स्थानमा भने भारी वर्षाको सम्भावना रहेको महाशाखाले जनाएको छ ।
साथै मधेस र कोशी प्रदेशका थोरै स्थानहरुमा हावाहुरी सहित वर्षाको सम्भावना रहेको छ ।
राति कोशी र मधेशका केही स्थानमा हल्कादेखि मध्यम वर्षाको सम्भावना रहेको महाशाखाले जनाएको छ ।
यी पूर्वानुमानको प्रकाशमा, महाशाखाले नदीको बहावमा थोरै बृद्धि हुने र जनस्वास्थ्य, कृषि र दैनिक जीवनमा सम्भावित अवरोध खडा गरी बाढी, पहिरो र भूक्षयको उच्च जोखिम हुने चेतावनी दिएको छ ।
त्यसैले सम्भावित क्षति न्यूनीकरण गर्न आवश्यक सावधानी अपनाउन महाशाखाले सर्वसाधारणलाई आग्रह गरेको छ ।
१५७ पटक हेरीएको
