२० पौष, काठमाडौं । नेपाल–भारत संयुक्त आयोगको सातौँ बैठकमा सहभागी भई भारतीय विदेशमन्त्री एस जयशंकर आज अपराह्न नेपालको दुईदिने भ्रमण पूरा गर्दैछन् ।
यहाँ रहँदा उनले दुई छिमेकी राष्ट्रहरूबीचको कूटनीतिक सम्बन्धलाई मजबुत बनाउने क्रममा भेटघाट र कार्यक्रमहरूको शृङ्खलामा संलग्न थिए।भ्रमणको पहिलो दिन उनले राष्ट्रपति रामचन्द्र पौडेल, प्रधानमन्त्री पुष्पकमल दाहाल ‘प्रचण्ड’, पूर्वप्रधानमन्त्रीहरु शेरबहादुर देउवा, केपी ओली, माधवकुमार नेपाल, परराष्ट्रमन्त्री नारायण प्रसाद लगायत नेपालका प्रमुख व्यक्तित्वहरुसँग भेटवार्ता गरेका थिए । साउद।
आफ्नो कूटनीतिक प्रयासलाई निरन्तरता दिँदै भारतीय विदेशमन्त्रीले बिहीबार साँझ मधेस केन्द्रित राजनीतिक दलका नेताहरूसँग भेटवार्ता गरेका छन् । परराष्ट्र मन्त्रालयका अनुसार एस जयशंकर नेपालको दुईदिने भ्रमण पूरा गरी आज भारत फर्कने भएका छन् । यसैबीच बिहीबार नेपाल र भारतका परराष्ट्रमन्त्रीहरुको सातौं संयुक्त आयोग (जेसी) बैठक चार वटा सम्झौतामा हस्ताक्षर गर्दै काठमाडौंमा सम्पन्न भएको छ ।
परराष्ट्रमन्त्री एनपी साउद र भारतीय विदेशमन्त्री एस जयशंकरको सहअध्यक्षतामा भएको छलफलमा आर्थिक सम्बन्ध, कनेक्टिभिटी, व्यापार तथा यातायात, ऊर्जा तथा जलस्रोत, शिक्षा, संस्कृति र राजनीतिक विषयमा छलफल भएको थियो । दुई देशबीचको द्विपक्षीय सम्बन्धलाई मजबुत बनाउन विभिन्न विषयगत क्षेत्रहरू खोजिएको थियो।
जेसी बैठकपछि दुवै देशका अधिकारीहरूले आ–आफ्ना परराष्ट्रमन्त्रीको उपस्थितिमा सम्झौता र समझदारीपत्रमा हस्ताक्षर गरेका छन् ।
जसमा १० वर्षमा १० हजार मेगावाट विद्युत् खरिदका लागि दीर्घकालीन ऊर्जा व्यापार सम्झौता, सामुदायिक विकास आयोजनामा सहयोग, नेपालले विकास गरेको भू–उपग्रह प्रक्षेपण र नेपालमा नवीकरणीय ऊर्जा विकासका लागि सहयोग समावेश छ ।
उच्च प्रभाव सामुदायिक विकास परियोजनाहरूको कार्यान्वयन, नवीकरणीय ऊर्जा विकासमा दीर्घकालीन ऊर्जा व्यापार सहयोग, मुनाल स्याटेलाइट प्रक्षेपण, र जाजरकोट भूकम्पपछिको राहत आपूर्तिको पाँचौं किस्ता हस्तान्तरण जस्ता विविध क्षेत्रहरू सम्झौता र एमओयूहरू समेटिएका छन्।
साथै, जेसी बैठकमा परराष्ट्रमन्त्रीहरूले संयुक्त रूपमा तीनवटा अन्तरदेशीय प्रसारण लाइनको उद्घाटन गरे।
१७३ पटक हेरीएको
