३१ भदौ, बाँके । बाँके जिल्लामा इन्फ्लुएन्जाबाट पीडित हुनेको संख्या बढ्दै गएको पाइएको छ ।
विगत दुई सातादेखि रुघाखोकीको सङ्क्रमण पुष्टि हुनेको सङ्ख्या बढ्दै गएको भेरी अस्पतालका इन्फ्लुएन्जा फोकल पर्सन कन्सल्टेन्ट फिजिसियन डा खगेन्द्रजुङ शाहले बताए ।
अस्पतालले विरामीहरुबाट संकलन गरिएको नमुना परीक्षणका लागि राष्ट्रिय जनस्वास्थ्य प्रयोगशालामा पठाएको छ ।
इन्फ्लुएन्जा भएका व्यक्तिलाई रुघाखोकी, ज्वरो, टाउको दुख्ने, थकान, नाकबाट बग्ने, हाछ्युँ आउने र शरीर दुख्ने समस्या हुन्छ । त्यसैगरी बालबालिकामा आँखा दुख्ने, टाउको दुख्ने, नाक बन्द हुने, घाँटी दुख्ने, श्वासप्रश्वासमा समस्या हुने, झाडापखाला जस्ता लक्षण देखिन्छन् । मौसम बदलीसँगै बिरामीको संख्या बढ्दै गएको छ ।
‘मौसमी इन्फ्लुएन्जा एक प्रकारको भाइरस संक्रमण हो, यसलाई फ्लू पनि भनिन्छ र श्वासप्रश्वासबाट सर्ने गर्छ’, अस्पतालको प्रयोगशालाका प्रमुख प्रसन्न मिश्राले भने, ‘यो निकै संक्रामक हो र परिवारको एक सदस्यबाट अर्कोमा सर्ने जोखिम र विद्यालयका विद्यार्थीहरू बीच उच्च छ।”
भेरी अस्पतालको बाहिरी विरामी सेवामा दैनिक ३० देखि ३५ जनामा रुघाखोकी लाग्ने गरेको पाइएको र अधिकांशमा इन्फ्लुएन्जा पुष्टि भएको अस्पतालका प्रमुख सल्लाहकार चिकित्सक तथा औषधि विभागका प्रमुख डा राजनले बताए । पाण्डे।
फ्लूले वृद्धवृद्धा, दीर्घ रोगी, कुपोषित बालबालिका, मधुमेह, उच्च रक्तचाप र नियमित औषधि सेवन गर्ने मुटुरोगीलाई असर गर्छ। विभिन्न प्रकारका भाइरल संक्रमणबाट बच्न इन्फ्लुएन्जाविरुद्धको खोप लगाउनु उपयुक्त हुने डा पाण्डे बताउँछन् ।
१५४ पटक हेरीएको
