२१ पौष, काठमाडौं । त्रिभुवन अन्तर्राष्ट्रिय विमानस्थलले भन्सार जाँच क्षेत्र विस्तार गरेको छ । टिआइएका महाप्रबन्धक प्रतापबाबु तिवारीका अनुसार भीडभाड भएको क्षेत्र फराकिलो बनाउँदा यात्रुलाई सहज हुने बताए ।
‘अन्तर्राष्ट्रिय टर्मिनलमा साँघुरो ठाउँका कारण यात्रुलाई असुविधा भइरहेको अवस्थामा भन्सार जाँच क्षेत्र विस्तार गरिएको छ’, उनले भने, ‘प्रवेशद्वारको ‘चेक इन एरिया’ पनि फराकिलो बनाइनेछ । दुई छुट्टाछुट्टै बेल्टसहितको फराकिलो अराइभल टर्मिनल निर्माणको काम अन्तिम चरणमा पुगेको विमानस्थल कार्यालयले जनाएको छ । तिवारीले अन्तर्राष्ट्रिय टर्मिनल भवनको चेक इन एरिया विस्तारको काम अगाडि बढाइने बताए । विमानको अवतरण गियर ह्विल खसेको वा बिग्रिएमा विमानलाई विमानस्थलको धावनमार्गबाट बाहिर निकालेर धावनमार्गमा पर्ने अवरोध हटाएर सञ्चालन सञ्चालन गर्न न्यूनतम उपकरण उपलब्ध गराइएको छ । विमानस्थलका अनुसार अन्तर्राष्ट्रिय विमानस्थलमा ‘डिसेबल एयर कार्गो रिकभरी किट’को व्यवस्था गरिएको छ ।
त्यसैगरी आन्तरिक सवारीसाधन पार्किङ क्षेत्र र पहुँच सडक विस्तारको काम सम्पन्न भएको छ । यसले पार्किङ क्षमतामा बृद्धि हुनेछ र पार्किङ स्थलमा नजाइकन यात्रुहरू छोड्न मात्र आउनेहरूलाई निःशुल्क ड्रप-ओन्ली सुविधा उपलब्ध गराउनेछ।
१८३ पटक हेरीएको
