कार्तिक ८, काठमाडौं । अक्टोबर २३ देखि अंगोलाको राजधानी लुआन्डामा इन्टर-पार्लियामेन्टरी युनियन (आईपीयू) को १४७ औं सम्मेलन चलिरहेको छ ।
‘शान्ति, न्याय र बलियो संस्थाका लागि संसदीय कारबाही’ भन्ने नाराका साथ आयोजना गरिएको कार्यक्रम कात्तिक २७ गतेसम्म चल्नेछ । गणतन्त्र अंगोलाका राष्ट्रपति, दक्षिणी अफ्रिकी राष्ट्र जोआओ म्यानुएल गोन्काल्भ्स लोरेन्को, आईपीयूका महासचिव मार्टिन चुङगोङ र संयुक्त राष्ट्र संघका विशेष प्रतिनिधिले उद्घाटन सत्रलाई सम्बोधन गरेका थिए।
राष्ट्रियसभाका अध्यक्ष गणेशप्रसाद तिमिल्सिनाको नेतृत्वमा ९ सदस्यीय प्रतिनिधिमण्डलले प्रतिनिधिमण्डलको नेतृत्व गर्दैछ । टोलीमा राष्ट्रियसभा सदस्य कुमार दासौंदी र जितेन्द्रनारायण देव, प्रतिनिधिसभा सदस्य रुपा सोसी चौधरी र सन्तोष परियार, संघीय संसदका महासचिव डा भरतराज गौतमलगायत छन् । कार्यक्रमलाई नेपालका तर्फबाट राष्ट्रियसभा अध्यक्षले सम्बोधन गर्ने कार्यक्रम रहेको छ ।
१७३ पटक हेरीएको
