कोरिया अन्तर्राष्ट्रिय सहयोग नियोग (कोइका) ले नेपाल प्रहरीसँगको सहकार्यमा कोरिया सरकारको सहयोगमा निर्माण हुन लागेको साइबर ब्यूरो भवनको बुधबार शिलान्यास गरेको छ ।
सामाखुशीको शिलान्यास कार्यक्रमको नेपालका लागि कोरियाली राजदूत ताई योङ पार्क र प्रहरी महानिरीक्षक (आईजीपी) वसन्तबहादुर कुँवरले संयुक्त रुपमा गरेका थिए ।
सो अवसरमा राजदूत योङले साइबर अपराध अनुसन्धान र नियन्त्रणका लागि साइबर ब्यूरोको क्षमता अभिवृद्धि गरी साइबर अपराधबाट नागरिकलाई थप जोगाउन नेपाल प्रहरीले प्रभावकारी भूमिका निर्वाह गर्ने विश्वास व्यक्त गरे ।
त्यस्तै, आईजीपी कुँवरले विज्ञान तथा प्रविधि क्षेत्रमा देखिएको विकासले नेपालमा मात्र नभएर विश्वमा ठूलो आयाम र चुनौती सिर्जना गरेको उल्लेख गरे । ‘नेपाल प्रहरीको क्षमता अभिवृद्धिसहित साइबर ब्युरो स्थापना’ परियोजनाअन्तर्गत नेपाल प्रहरीको साइबर ब्युरोको अत्याधुनिक भवन निर्माण हुन लागेको हो ।
भवनसँगै कोइकाले साइबर अपराध अनुसन्धान र डिजिटल फरेन्सिक ल्याब र नेपाल प्रहरीको सान्दर्भिक जनशक्तिको क्षमता अभिवृद्धि सम्बन्धी उपकरण उपलब्ध गराउने छ जसले नेपाल प्रहरीको साइबर अपराधविरुद्धको क्षमतालाई सुदृढ बनाउने विश्वास लिइएको छ ।
आयोजनाको कुल बजेट ८० मिलियन अमेरिकी डलर छ र यो सन् २०२६ सम्ममा सम्पन्न हुनेछ ।
१४८ पटक हेरीएको
