सडक दुर्घटनामा मोटरसाइकल चालकको मृत्यु

२३ भदौ, झापा । झापाको कमल गाउँपालिकामा आज भएको सवारी दुर्घटनामा एक जनाको मृत्यु भएको छ ।

मृत्यु हुनेमा कमल गाउँपालिका–३ का ३० वर्षीय वीरेन्द्र सहनी रहेको जिल्ला ट्राफिक प्रहरी कार्यालय झापाका सहायक निरीक्षक याम खड्काले जानकारी दिए ।

दक्षिणबाट उत्तरतर्फ जाँदै गरेको मोटरसाइकल र विपरीत दिशाबाट आउँदै गरेको अर्को मोटरसाइकल एक आपसमा ठोक्किँदा दुर्घटना भएको हो । सहनी मोटरसाइकल चलाउँदै थिए ।

घटनाबारे थप अनुसन्धान भइरहेको उनले बताए ।