१५ दिने बडादशैँको अन्तिम दिन आज नेपाली हिन्दू धर्मावलम्बीले ऐश्वर्य र सम्पन्नताकी देवी महालक्ष्मीको पूजा–आराधना गरी कोजाग्रत पूर्णिमा मनाउँदैछन् ।
कोजाग्रत पूर्णिमाका दिन मनाइने बडादशैं पर्व आज साँझ घरघरमा पुगी महालक्ष्मीको पूजा आराधना गरी रातभर जागर गरी समापन हुँदैछ । कोजाग्रत पूर्णिमाको रातमा महालक्ष्मी देवीले ‘यो विशेष रातमा कसले जागर राखेको छ भनी जाँच्न’ भनेर विश्वको परिक्रमा गर्ने जनविश्वास रहेको छ ।
यस विश्वासका आधारमा रातभर जागरमा पाइनेलाई धनकी देवीले आशिर्वाद दिने नेपाल पञ्चाङ्ग निर्णायक समितिले जनाएको छ । दशैं पर्वको टीका र जमरा दिने र ग्रहण गर्ने विधि पनि यसै दिन समापन हुने भएकाले घटस्थापनाको दिन दशैंघर र कोटमा अंकुरित र अभिषेक गरिने जमरालाई धार्मिक परम्पराअनुसार विसर्जन गरिन्छ ।
स्वयम्भू चैत्यमा पनि मानिसहरूले महादीप दीप प्रज्वलन गरी रात्रि जागरण गर्ने गर्दछन् ।
२२८ पटक हेरीएको
