२ मंसिर, काठमाडौं । प्रमुख प्रतिपक्षी दल नेकपा एमालेले समसामयिक राजनीतिलगायतका विषयमा छलफल गर्न आज दिउँसो ‘महत्वपूर्ण’ बैठक बोलाएको छ ।
पार्टी केन्द्रीय कार्यालय च्यासलमा बस्ने बैठकमा समसामयिक राजनीतिक अवस्था, सामाजिक समस्यालगायतका विविध विषयमा छलफल हुने पार्टी स्रोतले जनाएको छ । बैठकमा पार्टीका पदाधिकारी, केन्द्रीय सदस्यलगायतको सहभागिता रहनेछ । समसामयिक राजनीतिक विषयमा छलफल गर्न र राष्ट्रिय युवा संघ (राष्ट्रिय युवा संघ)ले मङ्सिर २३ गते काठमाडौंमा गर्ने नियोजित प्रर्दशनको तयारीका लागि बैठक बोलाइएको पार्टीका केन्द्रीय सदस्य विष्णु रिजालले जानकारी दिए ।
पार्टी अध्यक्ष केपी ओलीले आमसभालाई सम्बोधन गर्ने कार्यक्रम रहेको छ । पार्टीको युवा सङ्गठन राष्ट्रिय युवा संघले भ्रष्टाचार, महँगी, अनियमितता र राज्यको कथित अराजकता जस्ता चिन्तालाई उजागर गर्दै मंसिर २३ गते काठमाडौंमा जनप्रदर्शन गर्ने भएको छ ।
१२६ पटक हेरीएको
