एनसेलको शेयर बिक्रीको विवरण १५ दिनभित्र बुझाउन अर्थ समितिको निर्देशन

२१ मंसिर, काठमाडौं । संसदको अर्थ समितिले एनसेलको शेयर बिक्री सम्बन्धी मुद्दामा १५ दिनभित्र तथ्यगत जानकारीसहितको विवरण पेश गर्न नेपाल दूरसञ्चार प्राधिकरणलाई निर्देशन दिएको छ । बुधबार छलफलका लागि प्राधिकरणलाई बोलाएपछि समितिले यस विषयमा सोधपुछ गरेको हो । छलफलपछि समितिका अध्यक्ष सन्तोष चालिसेले एनसेलको शेयर खरिदबिक्रीको तथ्यगत विवरण दुई साताभित्र लिखित रुपमा बुझाउन प्राधिकरणलाई आग्रह गरेको बताए ।

बैठकमा एनटीएका अध्यक्ष पुरुषोत्तम खनालले निजी मोबाइल सेवा प्रदायक कम्पनी एनसेल एक्जिएटा लिमिटेडबाट यस सम्बन्धमा कागजात सङ्कलन गर्ने क्रममा एनसेलको शेयर खरिद बिक्रीको विवरण छिट्टै उपलब्ध गराउने पत्र आएको जानकारी दिए । । “डिसेम्बर १ मा, एनटीएले एनसेललाई आफ्नो शेयर बिक्री र खरिदको विवरण मागेको थियो र डिसेम्बर ५ मा कम्पनीबाट जवाफ प्राप्त गरेको थियो। सम्बन्धित कागजातहरू सङ्कलन गर्ने प्रक्रिया चलिरहेको छ र सम्बन्धितलाई बुझाउनेछ। नेपालको प्रचलित कानुनभित्रको निकाय हो,’ उनले भने ।

त्यसैगरी आज सार्वजनिक लेखा समितिमा पनि एनसेलको शेयर किनबेचका विषयमा छलफल भएको थियो ।