२१ पौष, काठमाडौं । दक्षिण अफ्रिका, बंगलादेश, श्रीलंका र नेदरल्यान्ड्ससँगै नेपाल आगामी टी–२० विश्वकपको समूह ‘डी’ मा परेको छ ।
भर्खरै सार्वजनिक गरिएको आधिकारिक तालिकाले टी–२० विश्वकप क्रिकेटमा नेपालले नेदरल्यान्ड्ससँग डेब्यु खेल खेल्नेछ । बहुप्रतीक्षित उद्घाटन खेल जुन ४ मा संयुक्त राज्य अमेरिकाको डलासमा हुने छ । गत अक्टोबरमा काठमाडौंमा भएको एसिया छनोटको सेमिफाइनलमा नेपालले युएईलाई ८ विकेटको फराकिलो अन्तरले पराजित गर्दै टी–२० विश्वकपमा आफ्नो स्थान सुरक्षित गरेको थियो ।
टोलीको दोस्रो खेल जुन ११ मा श्रीलंकासँग अमेरिकाको फ्लोरिडामा हुनेछ र त्यसपछि जुन १४ मा दक्षिण अफ्रिकासँग सेन्ट भिन्सेन्टमा भिडन्त हुनेछ। नेपालले सेन्ट भिन्सेन्टमा जुन १६ मा बंगलादेशसँग खेल्दै समूह चरणको अन्त्य गर्नेछ । समूह ई मा भारत र पाकिस्तानसँगै आयरल्याण्ड, क्यानडा र अमेरिका छन् । समूहका प्रत्येक सदस्यले जम्मा चार खेल खेल्नेछन्। प्रत्येक समूहबाट शीर्ष दुई टोली सुपर आठ चरणमा पुग्नेछन्, जहाँ आठ टोलीलाई दुई समूहमा विभाजन गरी प्रत्येक समूहका शीर्ष दुई टोलीबीच सेमिफाइनल खेल हुनेछ।
टूर्नामेंटको सुरुवात अमेरिका र क्यानडाबीच जुन १ मा डलासमा हुनेछ ।
१२७ पटक हेरीएको
