१३ माघ, काठमाडौं । नेपाली कांग्रेसले आजदेखि फागुनसम्म देशका सबै जिल्लामा ‘समुदायमा काँग्रेस’ अभियान सुरु गर्दैछ ।
यस अभियानमा संगठनात्मक सुदृढीकरण, नागरिक समस्याहरूको पहिचान र विभिन्न कार्यक्रमहरू समावेश हुनेछन्। अभियान अन्तर्गत कांग्रेसले ‘समुदायमा जाऔं, जनताको कुरा सुनौं’ भन्ने नारा लिएको छ । स्थानीय निकायमा सेवा प्रवाह, विकासका पहल र समुदायभित्रका सकारात्मक अभ्यासका बारेमा जानकारी सङ्कलन गर्ने अभियानमा केन्द्रित रहने कांग्रेस केन्द्रीय कार्यालयका महासचिव कृष्णप्रसाद पौडेलले जानकारी दिए ।
अभियानमा औपचारिक भाषणहरू समावेश हुनेछैन; बरु जनताबाट गुनासो र सुझाव संकलन गर्ने लक्ष्य राखेको उनले बताए । अभियानको समन्वयलाई सुनिश्चित गर्न कांग्रेसले प्रत्येक जिल्लामा केन्द्रीय प्रतिनिधि खटाएको छ । पौडेलले प्रचारप्रसारका क्रममा कुनै र्याली वा औपचारिक घोषणा नगर्ने बताए । यसको सट्टा, तल्लो तहबाट प्रतिक्रिया र सुझावहरू सङ्कलन गर्न फोकस गरिनेछ।
पार्टीले संगठनात्मक सुदृढीकरणको लक्ष्यका साथ अभियानलाई आफ्नो वार्षिक कार्यतालिकामा समावेश गरेको छ । कांग्रेसले फागुन ७ गते नीति सम्मेलन गर्ने भएको छ ।
१४२ पटक हेरीएको
