१९ माघ, काठमाडौं । सञ्चार तथा सूचना प्रविधिमन्त्री रेखा शर्माले बैंक नोट, नागरिकता प्रमाणपत्र, राहदानी, राष्ट्रिय परिचयपत्र, ड्राइभिङ लाइसेन्स, भिसालगायतका संवेदनशील कागजपत्र स्वदेशभित्रै छाप्ने लक्ष्य राखेर सरकारले सुरक्षा मुद्रण विधेयक अगाडि बढाएको बताइन् ।
बिहीबार बसेको शिक्षा, स्वास्थ्य तथा सूचना समितिको बैठकमा मन्त्रीले सेक्युरिटी प्रिन्टिङ संवेदनशील विषय भएकाले सरकारले उच्च प्राथमिकतामा राखेर विधेयक टुंग्याउन चाहेको बताए । सरकारका प्रवक्ताका अनुसार देशभित्रै सेक्युरिटी प्रिन्टिङ सुविधा सुनिश्चित गर्न सके ठूलो रकम देश बाहिर जानबाट रोकिनेछ । राष्ट्रियसभाबाट आएको र सभाको विषयगत समितिले परिमार्जन गरेको विधेयक अहिले संसदीय समितिमा छलफलको क्रममा छ । सदनमा प्रस्तावका सम्बन्धमा ३५ वटा संशोधन नोट दर्ता भइसकेको र समितिले दफावार छलफल गरेर टुङ्गो लगाउने समितिको योजना रहेको समितिका सभापति भानुभक्त जोशीले जानकारी दिए ।
विधेयकमा परिमार्जन गर्न चाहने केही सांसदले बैंक नोट र राहदानी बाहेक सेक्युरिटी प्रिन्टिङमा निजी क्षेत्रलाई उचित प्रक्रियाबाट समावेश गर्नुपर्ने धारणा राखेका थिए ।
२२९ पटक हेरीएको
