कार्तिक २, काठमाडौं । उपप्रधानमन्त्री तथा गृहमन्त्री नारायणकाजी श्रेष्ठले लचिलो र दिगो आर्थिक वृद्धिका लागि हरित विकासमा नेपाल प्रतिबद्ध रहेको बताउनुभएको छ । उनले जलवायु परिवर्तनको असमान असर नेपालजस्ता जलवायु जोखिममा रहेका हिमाली देशको अवस्थाबारे पनि प्रकाश पारे ।
चीनको बेइजिङमा ‘उच्च गुणस्तरीय बेल्ट एण्ड रोड कोअपरेसन: टुगेदर फर कॉमन डेभलपमेन्ट एन्ड प्रोप्रिटि’ भन्ने बृहत्तर नाराका साथ ‘प्रकृतिसँगको हरित सिल्क रोड फर हामनी’ भन्ने नाराका साथ आयोजित ‘हरित विकास’ सम्बन्धी उच्चस्तरीय मञ्चलाई सम्बोधन गर्दै यसअघि उनले पेरिस सम्झौता अन्तर्गतको आर्थिक प्रतिबद्धता लगायतका दायित्व पूरा गर्न अन्तर्राष्ट्रिय समुदायलाई आह्वान गरेको बेइजिङस्थित नेपाली दूतावासले जनाएको छ ।
यसका साथै, उपप्रधानमन्त्री श्रेष्ठले पर्यावरणमैत्री रणनीतिका माध्यमबाट विश्व समयरेखाभन्दा पाँच वर्ष अगाडि सन् २०४५ सम्म नेपालले शुद्ध शून्य कार्बन उत्सर्जनमा पुग्ने लक्ष्यलाई जोड दिनुभयो ।
नेपालजस्ता भूपरिवेष्ठित मुलुकका लागि कनेक्टिभिटीको महत्त्वलाई जोड दिँदै उनले ट्रान्स हिमालयन बहुआयामिक कनेक्टिभिटी नेटवर्क अन्तर्गत सडक, रेलमार्ग, हवाई मार्ग, बन्दरगाह र ग्रिडमार्फत चीनसँगको सम्पर्कलाई सुदृढ गर्न नेपालले प्रयास गरिरहेको दोहोर्याए। त्यसैगरी, उनले कनेक्टिभिटी र उत्पादकत्व बढाउनका साथै मानिस र ग्रहको आवश्यकतालाई सम्बोधन गर्न उच्च गुणस्तरको बेल्ट एण्ड रोड सहकार्यको महत्त्वलाई जोड दिए।
यसअघि बेइजिङमा आयोजना हुने तेस्रो बेल्ट एण्ड रोड फोरम फर इन्टरनेशनल कोअपरेशनको उद्घाटन समारोहमा उपप्रधानमन्त्री तथा गृहमन्त्री श्रेष्ठ सहभागी भएका थिए । उक्त फोरममा संयुक्त राष्ट्र संघका महासचिवसहित १५० भन्दा बढी देश र ३० अन्तर्राष्ट्रिय संस्थाका उच्चस्तरीय प्रतिनिधिहरुको सहभागिता रहेको थियो ।
नेपाली प्रतिनिधिमण्डलमा चीनका लागि नेपाली राजदूत विष्णु पुकार श्रेष्ठ, विपद् जोखिम न्यूनीकरण तथा व्यवस्थापन प्राधिकरणका प्रमुख कार्यकारी अधिकृत अनिल पोखरेल, परराष्ट्र मन्त्रालयका सहसचिव अमृतबहादुर राई, परराष्ट्र मन्त्रालयका सहसचिव राईलगायत सहभागी थिए । मञ्चमा गृहमन्त्री नारायणप्रसाद भट्टराई पनि सहभागी थिए ।
१६२ पटक हेरीएको
