१० मंसिर, काठमाडौं । देशमा दर्ता भएका लैङ्गिक हिंसा मध्ये ८० प्रतिशत घरेलु हिंसाका पाइन्छ ।
नेपाल प्रहरीको तथ्यांकअनुसार घरेलु हिंसामध्ये ५३ प्रतिशत शारीरिक हिंसा र ४७ प्रतिशत मानसिक हिंसा हुने गरेको छ । शनिबारदेखि सुरु भएको महिला हिंसाविरुद्धको १६ दिने अभियानअन्तर्गत प्रहरीले सार्वजनिक गरेको तथ्यांकअनुसार प्रहरीमा दर्ता भएका विभत्स उजुरीमा पनि ८९ प्रतिशत महिला तथा बालिका चिनजानका व्यक्तिबाटै हिंसामा परेको देखाएको छ । तिनीहरूलाई। महिला, बालबालिका तथा ज्येष्ठ नागरिक सेवा निर्देशनालयका वरिष्ठ प्रहरी उपरीक्षक डा मनोजकुमार केसीले चिनेजानेका व्यक्तिबाट महिला तथा बालिका हिंसाको सिकार हुनु दुर्भाग्यपूर्ण भएकोले यसका लागि समुदायको सक्रिय सहभागिता आवश्यक रहेको बताए । यसलाई रोक्न।
तथ्यांकअनुसार ६७ प्रतिशत घरेलु हिंसाका घटना श्रीमान्–श्रीमतीबीच हुने गरेको छ । पछिल्लो एक वर्षमा घरेलु हिंसाका १६ हजार ५१९ र अन्य लैङ्गिक हिंसाका चार हजार ३ सय ९४ उजुरी प्रहरीमा दर्ता भएका छन् । उमेर समूहका हिसाबले ६३ प्रतिशत पीडित ११ देखि १६ वर्षका बालिका छन् । त्यस्तै, ३८ प्रतिशत अपराधी १० देखि २५ वर्षका छन् । त्यसैगरी ५० प्रतिशत डर, धम्की देखाएर, ३५ प्रतिशत उपहारको प्रलोभनमा र १४ प्रतिशतले विवाह गर्ने आश्वासन दिएर हिंसा गरेको पाइएको छ । निर्देशनालयका प्रहरी उपरीक्षक रञ्जु सिग्देलले तथ्यांकले ८९ प्रतिशत हिंसा चिनेका व्यक्तिबाट भएको देखाएको बताए ।
यसमा १२ प्रतिशत परिवारका सदस्यहरू, लगभग २३ प्रतिशत छिमेकीहरू र ०.४६ प्रतिशत शिक्षकहरू समावेश छन्।
२३८ पटक हेरीएको
