लोकेन्द्र के:सी रोल्पा मङ्सिर १० /
रोल्पाको परिवर्तन गाउँपालिकामा देखिएका समस्या, अनियमितता र सेवा प्रवाहमा कमजोरी रहेको भन्दै जेन्जी समूह परिवर्तनले १६ बुँदे मागसहित गाउँपालिका अध्यक्षलाई ज्ञापन पत्र बुझाएको छ। समूहका संयोजक चुडामणि के.सी. नेतृत्वको टोलीले मंसिर ९ गते ज्ञापन पत्र हस्तान्तरण गरेको हो।
ज्ञापनपत्र बुझ्ने क्रममा गाउँपालिका अध्यक्षले उठाइएका मागहरूको अध्ययन गरी सम्भव भएसम्म समाधान गर्ने प्रतिबद्धता जनाए। समूहले जनतासँग सम्बन्धित सेवा–सुविधा प्रभावकारी नभएको, विकास योजनामा पारदर्शिता कमी, सामुदायिक विद्यालयमा देखिएका समस्या, युवालाई अवसर नपुगेको तथा सार्वजनिक सम्पत्तिको व्यवस्थापन कमजोर भएको विषयमा ध्यानाकर्षण गराएको छ।
समूहले मागहरू तोकिएको मिति २०८२/०८/२१ भित्र सम्बोधन नभए आवश्यक कदम चाल्नुपर्ने अवस्था आउने चेतावनीसमेत दिएको छ।
९९ पटक हेरीएको
