रुकुम (पूर्व) निर्वाचन क्षेत्रबाट प्रतिनिधिसभा सदस्य उम्मेदवार तथा पूर्व प्रधानमन्त्री पुष्पकमल दाहाल ‘प्रचण्ड’ ले आफ्नो चुनावी भेटघाट कार्यक्रम तीव्र बनाउनु भएको छ। उहाँले रुकुमका विभिन्न गाउँपालिकामा मतदातासँग भेटघाट गर्दै शिक्षा र स्वास्थ्य सेवा सुधार, युवालाई रोजगारी सिर्जना, कृषि उत्पादन बढाउने र किसानका उत्पादनलाई बजारसम्म पुर्याउने कामलाई प्राथमिकतामा राख्ने प्रतिबद्धता जनाउनुभयो।
साथै प्रचण्डले खानेपानी, सिँचाइ, खेलकुद, महिला, दलित र युवाको सशक्तीकरण, भाषा, संस्कृति र इतिहासको संरक्षण तथा पर्यटन विकासमा ध्यान दिने योजना रहेको जानकारी दिनुभयो। उहाँले भ्रष्टाचार नियन्त्रण र सुशासन कायम गर्ने र जनयुद्धबाट प्राप्त उपलब्धि, राष्ट्रिय स्वाधीनता र संघीय लोकतान्त्रिक गणतन्त्रलाई अझ बलियो बनाउने प्रतिवद्धता व्यक्त गर्नुभयो।
कार्यक्रममा प्रचण्डले २०६२ साल असोजमा रुकुमको चुनबाङमा बसेको पार्टीको ऐतिहासिक बैठक र त्यस समयको संघर्षका दिनहरूको अनुभव साझा गर्नुभयो। उहाँका अनुसार यहाँका आदरणीय मतदाताहरूले जनयुद्धका कठिन दिनहरूमा साथ र सहयोग दिनुभएको थियो, जसले आजको राजनीतिक यात्रा र भेटघाटमा नयाँ ऊर्जा थपेको बताउनुभयो।
उहाँले २०८२ फागुन २१ गते तारा चिन्हमा मतदान गर्न सबै मतदातासमक्ष अपिल पनि गर्नुभयो।
२३३ पटक हेरीएको
