नेपाल पत्रकार महासंघले पत्रकार नमिता दाहाललाई समाचार सम्प्रेषणका क्रममा दुर्व्यवहार र हातपात गर्ने दोषीलाई कारबाही गर्न माग गरेको छ ।
आज दिउँसो त्रिभुवन अन्तर्राष्ट्रिय विमानस्थलमा अनलाइनखबर डटकममा कार्यरत पत्रकार दाहालमाथि दुव्र्यवहार गरेको घटनाप्रति महासंघको ध्यानाकर्षण भएको महासंघले जनाएको छ ।
अनलाइनखबर डटकमका अनुसार नेपाली राष्ट्रिय क्रिकेटको स्वागतका लागि त्रिभुवन विमानस्थलमा आयोजित कार्यक्रममा समाचार रिपोर्टिङका लागि गएको समयमा पत्रकार दाहाललाई महिला भएर किन यस्तो ठाउँमा आइपुगेको भन्दै त्रिभुवन विमानस्थलमा उपस्थित केहीले दुर्व्यवहार गरेका थिए । टोली।
महासंघले एक विज्ञप्ति जारी गर्दै कर्तव्य निर्वाह गर्दै आएका पत्रकारमाथि हुने यस्ता गतिविधि अत्यन्त निन्दनीय र प्रेस स्वतन्त्रताविरुद्धको कार्य भएको बताएको छ ।
विज्ञप्तिमा भनिएको छ, ‘यस्ता प्रेस विरोधी गतिविधिको छानबिन गरी दोषीलाई कानुनको दायरामा ल्याई प्रेस स्वतन्त्रताको संवैधानिक सम्मानको सम्मान गर्न महासंघ सम्बन्धित निकायसँग माग गर्दछ ।
१६० पटक हेरीएको
