असोज १२, काठमाडौं । राष्ट्रिय सुरक्षा परिषद्को बैठकमा पछिल्लो समय देशका कतिपय स्थानमा धार्मिक तथा साम्प्रदायिक सद्भावमा खलल पु¥याउने विभिन्न गतिविधि रोक्न थप रणनीति अपनाउनुपर्ने विषयमा छलफल भएको छ ।
प्रधानमन्त्री तथा राष्ट्रिय सुरक्षा परिषद्का अध्यक्ष पुष्पकमल दाहाल प्रचण्डको अध्यक्षतामा राष्ट्रिय सुरक्षा परिषद्को सचिवालय सिंहदरबारमा बसेको परिषद्को ३१औँ बैठकमा विभिन्न प्रदेशको सुरक्षा अवस्था, दुरुपयोगलगायत राष्ट्रिय सुरक्षासँग सम्बन्धित विभिन्न विषयमा छलफल भएको थियो । काउन्सिलका अनुसार सामाजिक सञ्जाल साइटहरू र यसलाई सम्बोधन गर्न र न्यूनीकरण गर्नका लागि भावी रणनीतिहरू अपनाइनेछ।
बैठकमा उपप्रधानमन्त्री तथा रक्षामन्त्री, अर्थमन्त्री, परराष्ट्रमन्त्री, राष्ट्रिय सुरक्षा परिषद्का सल्लाहकार, मुख्य सचिव, प्रधानसेनापति, रक्षा सचिवको उपस्थितिमा अन्तर्राष्ट्रिय, क्षेत्रीय र राष्ट्रिय सुरक्षा वातावरणको पनि समीक्षा भएको थियो ।
बैठकले नेपालको संविधानको धारा २६६ को उपधारा (३) बमोजिम परिषद्को पाँचौं वार्षिक प्रतिवेदन (आर्थिक वर्ष २०७८/७९) लाई स्वीकृत गरी राष्ट्रपतिसमक्ष पेस गर्ने निर्णय गरेको छ ।
१६२ पटक हेरीएको
