कार्तिक १७, काठमाडौं । प्रतिनिधिसभाको बजेट अधिवेशन बिहीबार मध्यरातमा सभामुख देवराज घिमिरेले घोषणा गरेअनुसार सकिएको छ । बिहीबार बसेको मन्त्रिपरिषद्को बैठकले राष्ट्रपति कार्यालयबाट पत्र पठाएर अधिवेशन अन्त्य गर्ने निर्णय गरेको हो ।
गत वैशाख २४ गतेदेखि शुरु भएको १८० दिने अधिवेशनमा ६१ दिनमा प्रतिनिधिसभाले जम्मा ६५ वटा बैठक गरेको सङ्घीय संसद् सचिवालयले जनाएको छ । समापन बैठकमा प्रधानमन्त्री पुष्पकमल दाहाल ‘प्रचण्ड’का तर्फबाट कानून, न्याय तथा संसदीय मामिलामन्त्री धनराज गुरुङले राष्ट्रिय दलित आयोगको दोस्रो र तेस्रो प्रतिवेदन प्रस्तुत गरेका थिए ।
संविधानको नियम ५६(५) बमोजिम अधिवेशन अवधिभर प्रतिनिधिसभा र राष्ट्रियसभाको ६ वटा संयुक्त बैठक र प्रधानमन्त्रीसँग गत वैशाख ३, जेठ २३ र भदौ २९ गते तीनवटा प्रश्न-उत्तर सत्र भएको थियो । प्रतिनिधि सभा नियमहरू, २०७९ ।
यो अधिवेशनमा एउटा निजी विधेयकसहित नौ विधेयक प्रतिनिधिसभामा दर्ता भएका थिए जसमध्ये तीनवटा दुवै सदनबाट पारित भएका थिए । हाल समितिमा तीनवटा विधेयक विचाराधीन छन्, दुईवटा विधेयक हालै संसदमा पेस भएका छन् र एउटा भर्खरै दर्ता भएको छ ।
यस सत्रको एक उल्लेखनीय घटना संयुक्त राष्ट्र संघका महासचिव एन्टोनियो गुटेरेसले अक्टोबर ३१ मा प्रतिनिधिसभाको संयुक्त बैठकमा गरेको सम्बोधन थियो।
१६० पटक हेरीएको
