काठमाडौँ, — नेकपा (एमाले) ले आज काठमाडौँमा शक्ति प्रदर्शनका रूपमा ‘शान्तिपूर्ण जनप्रदर्शन तथा जनसभा’ आयोजना गर्ने भएको छ। एमाले बागमती प्रदेश कमिटीको आयोजनामा प्रदर्शनीमार्गमा हुने उक्त कार्यक्रम संसद विघटन र सुशीला कार्की नेतृत्वको सरकारले “असंवैधानिक तरिकाले” सत्ता सम्हालेको आरोपका विरुद्ध केन्द्रित रहने बताइएको छ।
एमाले नेताहरूका अनुसार जनसभामार्फत पार्टीले वर्तमान राजनीतिक अवस्थाबारे स्पष्ट सन्देश दिने तथा सरकारविरुद्ध व्यापक जनमत निर्माण गर्ने उद्देश्य लिएको छ।
पार्टी नेता महेश बस्नेतले आजको जनसभामा करिब ६० हजार सहभागी उतार्ने दाबी गरेका छन्। केही समयअघि मात्र एमालेले ‘नेसनल भोलेन्टियर फोर्स’ गठन गरेको घोषणा गरेको थियो, जसलाई पनि जनप्रदर्शनमा सक्रिय रूपमा परिचालन गर्ने तयारी गरिएको बुझिएको छ।
आजको जनप्रदर्शनले पछिल्लो राजनीतिक विवाद र शक्ति समीकरणमा कस्तो प्रभाव पार्छ भन्ने विषयमा राजनीतिक वृत्तको ध्यान केन्द्रित भएको छ।
१०८ पटक हेरीएको
