टेक मगर 
रोल्पा, नेकपा (एमाले) को ११औं राष्ट्रिय महाधिवेशनका लागि रोल्पाबाट प्रतिनिधि छनौट प्रक्रिया अन्तिम चरणमा पुगेको छ। मङ्सिर १३ गते त्रिवेणी गाउँपालिका–७ तिलास्थित जनयुद्ध सङ्ग्रहालयको सभाहलमा जिल्ला कार्य समितिको आयोजनामा बसेको बैठकमा प्रतिनिधि छनौट सम्बन्धी विस्तृत छलफल भएको थियो। बैठक सो समितिका अध्यक्ष अमृत बहादुर बुढामगरको अध्यक्षता र पोलिटब्यु्रो सदस्य तथा जिल्ला इन्चार्ज गोकुल घर्तीको प्रमुख आतिथ्यतामा सम्पन्न भएको हो।
मङ्सिर २७ देखि २९ गते काठमाडौंमा आयोजना हुन लागेको ११औं राष्ट्रिय महाधिवेशनका लागि रोल्पाबाट खुला २, महिला २, युवा १ र दलित १ गरी कुल ६ जना प्रतिनिधि छनौट गर्नुपर्ने व्यवस्था छ।
निर्वाचन कमिटी (२०८२) ले मङ्सिर १४ गते जारी गरेको सूचनाअनुसार खुला, महिला, युवा र दलित गरी सबै तर्फबाट उम्मेदवारहरू सर्वसम्मत रूपमा चयन भएका छन्।
जसमा खुला तर्फ बाट शान्त कुमार वली (त्रिवेणी–५) र बालाराम बुढा (रुन्टीगढी–६) रहनुभएको छ ।महिला तर्फ बाट सावित्रा कुमारी बुढा ‘घर्ती’ (त्रिवेणी–२) र जुगमती बस्नेत (लुङ्ग्री–५) बाट युवा तर्फ बाट अमृत बहादुर बुढा (त्रिवेणी–२) र दलित तर्फ बाट पहल बहादुर बि.क. (गंगादेव–२) सबै सर्वसम्मत रूपमा चयन भएका छन्।
निर्वाचन कमिटीका संयोजक बालकृष्ण आचार्यले सर्वसम्मत रूपमा उम्मेदवार चयन भएको जानकारी दिँदै महाधिवेशनका तयारी कार्यहरू यथासमय अघि बढिरहेको बताएका छन्।
रोल्पाबाट तय भएका यी ६ प्रतिनिधिहरू मङ्सिर २७–२९ गते काठमाडौंमा हुने ११औं राष्ट्रिय महाधिवेशनमा सहभागी हुनेछन्।
९९ पटक हेरीएको
